وزیراعظم کے وژن کوعملی جامہ پہناتے ہوئے ٹیکس دہندگان کی سہولت کے پیش نظرٹیکس وصولی کےنظام کوخودکار بنانےکےلئےایف بی آر نے وزیراعظم کےخصوصی معاون برائےریونیو کی رہنمائی میں قومی شناختی کارڈاورمتعلقہ تفصیلات کی براہ راست تصدیق کےلئےنادراکے ساتھ مفاہمت کی یادداشت پردستخط کئے ہیں
ادرا اور ایف بی آر کے سسٹمز کو آپس میں جوڑنے سے ایف بی آر کی جانب سے ٹیکس دہندگان کو معیاری خدمات کی فراہمی بہتر ہو گی کیونکہ اس سے ٹیکس ریفنڈز کا ڈیٹا خودکار طریقے سے ودہولڈنگ سٹیٹمنٹس اور ٹیکس گوشواروں میں شامل کرنے میں مدد ملے گی
اس طرح قواعد کی پاسداری پر لگنے والے وقت کی بچت ہو گی اور کاروبار کی آسانی کو بھی فروغ ملے گا
اس کے علاوہ اس مرحلے پر ڈیٹا کو آپس میں جوڑنے سے آگے چل کر ایف بی آر کے سسٹم کو دیگر اداروں کے ساتھ جوڑنے کی راہ ہموار ہو گی س سہولت کی بدولت ایسے افراد کی نشاندہی کے بے پناہ مواقع پیدا ہو جائیں گے جو ٹیکس دائرے سے باہر ہیں یا اپنی آمدنی اور اثاثے چھپا رہے ہیں۔
فیڈرل بورڈ آف ریوینیو نے ٹیکس گزاروں اور جنرل پبلک کی سہولت کے لئے معلومات ٹیکس رے ایپلیکیشن متعارف کر دی ہے یہ ایپلیکیشن ایف بی آر کی ویب سائٹ پر اپلوڈ کر دی گئی ہے۔ اس ایپلیکیشن کے ذریعے ٹیکس گزار اور جنرل پبلک اپنے اثاثوں اور ودہولڈنگ کی کٹوتی سے متعلق معلومات حاصل کر سکتے ہیں۔ اثاثوں اور ودہولڈنگ سے متعلقہ معلومات کا ڈیٹا ایف بی آر کے پاس موجود ہے۔ معلومات ٹیکس رے ایپلیکیشن سے حاصل کردہ معلومات کے ذریعے ٹیکس گزاروں کو سالانہ ٹیکس گوشوارے داخل کرنے میں آسانی میسر آئے گی۔
